EXERCISE 02
شرح التمرين الثاني
الأدوات الأساسية: واجهة البرنامج، الرسم بدقة، أدوات الرسم والتعديل بالأيقونات.
Command: _
اختار مشكلة من فوق. كل قسم قصير، وفيه زر يرجعك للمشكلات. وأسئلتكم في آخر الصفحة.
PLOT · 🖨️
رسمتك جاهزة، بس الطباعة مش زابطة؟
قبل ما تضغط Print، تأكد من الإعدادات التالية.
قائمة التحقق
- اختيار الطابعة الصحيحة، مثل AutoCAD PDF أو Microsoft Print to PDF.
- اختيار حجم الورقة المطلوب، مثل A3.
- تحديد منطقة الطباعة المناسبة (Plot area).
- ضبط Plot Scale حسب المطلوب في التمرين.
- ضبط اتجاه الورقة (Drawing orientation).
- مراجعة إعدادات سماكات الخطوط وPlot Style عند الحاجة.
- الضغط على Preview والتأكد من ظهور الرسم كاملًا وبوضوح.
0 / 7
كل شي جاهز ✔ اطبع/ي بثقة.
👀
الـ Preview صديقك، لا تتجاهله!
📎 مكان صور إعدادات الطباعة المعتمدة للتمرين — بتنزل هون لما تجهز.
LINETYPE SCALE · 📏
الخط المتقطع عامل حاله خط متصل؟ 😅
إذا كان خط Hidden أو Center لا يظهر بالشكل المطلوب، فقد تحتاج إلى تعديل Linetype Scale.
الخطوات
- حدّد الخط الذي تريد تعديله.
- افتح نافذة Properties.
- ابحث عن Linetype Scale.
- جرّب تعديل القيمة تدريجيًا.
- راقب شكل الخط، واختر القيمة المناسبة.
💡
إذا أصبحت الشرطات كبيرة جدًا، جرّب قيمة أصغر. وإذا كانت صغيرة جدًا، جرّب قيمة أكبر.
نفس الخط بثلاث قيم مختلفة
صغيرة جدًاالشرطات متلاصقة، بيطلع كأنه متصل
مناسبة ✓الشرطات والفراغات واضحة
كبيرة جدًاالشرطة الوحدة أطول من الخط نفسه
مناسبة ✓
فوق: HIDDEN · تحت: CENTER — رسم توضيحي، والقيمة المناسبة بتختلف من رسمة لرسمة.
ZOOM · 🔍
رسمت خطًا… وين راح؟ 👀
أحيانًا المشكلة مش في الخط، المشكلة في الزوم!
الحل الأول: Zoom Extents
Command:Z↵ Enter
ثم
Command:E↵ Enter
هذا الأمر يساعدك على إظهار العناصر الموجودة في الرسم ضمن مساحة العرض.
الحل الثاني: Zoom In وZoom Out
التكبير والتصغير يغيّران طريقة عرض الرسم على الشاشة، ولا يغيّران الأبعاد الحقيقية للعناصر. خط طوله 6 بيضل طوله 6 مهما كبّرت أو صغّرت.
إذا بقي الرسم صغيرًا جدًا
- تحقّق من وجود عناصر بعيدة عن الرسم الأساسي.
- إذا كان الملف فارغًا تمامًا، فإن Zoom Extents لن يفيد حتى ترسم عنصرًا.
- لا تحذف عناصر مجهولة قبل التأكد من أنها ليست جزءًا من الرسم.
⚠️ تنبيهإذا كنت تعمل على ملف فارغ ورسمت خطًا بطول 42 وحدة ولا يظهر بشكل طبيعي، فقد تحتاج إلى فحص مستوى التكبير أو إعدادات الملف.
TEXT HEIGHT · 🔤
النص مش مقروء؟ خلينا نضبطه.
اختار/ي الحالة اللي عندك:
اضغط/ي على حالة لتشوف شو تعمل/ي.
تكبير الشاشة لا يعني تكبير النص نفسه.
خطوات تعديل حجم النص
- حدّد النص.
- افتح Properties.
- ابحث عن Text Height.
- عدّل القيمة حسب المطلوب.
- راجع النتيجة على الرسم والطباعة.
ℹ️
إذا لم تتغير القيمة كما هو متوقع، فقد تكون إعدادات Text Style هي التي تتحكم في ارتفاع النص.
CIRCLES · TANGENTS · ⭕
القوس مش راكب؟ خلينا نشوف وين المشكلة 🎯
اختار/ي المشكلة اللي بتواجهك. وتحت في أداتين بيوفروا عليكِ الحساب.
عملت Tan, Tan, Radius وطلعت الدائرة بمكان غلط
AutoCAD بيختار الحل الأقرب لمكان ضغطاتك. اضغطي Ctrl+Z وأعيدي الأمر، واضغطي على كل عنصر قريب من المكان اللي لازم القوس يلمسه فيه.
طلعت رسالة Circle does not exist
نصف القطر اللي كتبتيه ما بيركب بين العنصرين. تأكدي من الرقم وإنه محوّل لسم، وإنك ضغطتِ على العنصرين الصح.
الخط مش راضي يلقط المماس
من السهم ▾ جنب Object Snap تحت فعّلي Tangent. أو قبل ما تضغطي على الدائرة اضغطي Shift + الزر اليمين واختاري Tangent. واضغطي على الدائرة من الجهة اللي بدك الخط يلمسها.
كتبت الرقم والدائرة طلعت ضعف حجمها
الرقم اللي قبله Ø هو قطر، مش نصف قطر. استخدمي Center, Diameter، أو اقسمي الرقم على 2 مع Center, Radius.
الرسمة كلها طالعة كبيرة كثير
غالبًا الأبعاد مكتوبة بالملم (All Units in Millimeters) وإحنا بنرسم بالسم. اقسمي كل رقم على 10. جربي المحوّل تحت.
Trim قص الجزء الغلط
في Trim بتضغطي على الجزء اللي بدك تشيليه، مش اللي بدك يضل. إذا قص غلط: Ctrl+Z.
مش عارفة وين مركز القوس
ارسمي دائرتين مساعدتين حول مركزي الدائرتين، وتقاطعهم هو مركز القوس. نصف قطر الدائرة المساعدة بتطلعيه من الحاسبة تحت.
محوّل ملم ← سم
MM → CMالفاصلة في الرسمة تعني فاصلة عشرية: 78,08 = 78.08
حاسبة الدائرة المساعدة
R1, R2, rكل الأرقام أنصاف أقطار بالسم. المثال: القوس R20 العلوي في الرسمة (01).
الدائرةالدائرة المساعدةالقوس
مقعر: القوس بيوصل بين الدائرتين من برّا. محدب: القوس بيحضن الدائرتين. وإذا القوس بين خط ودائرة: Offset للخط بمسافة r.
LAYERS · 🗂️
الطبقات مش زابطة معك؟
كل طبقة إلها لون ونوع خط وسماكة، وأي خط بترسميه بياخد خصائص الطبقة اللي هو عليها. معظم المشاكل بتيجي من خط على الطبقة الغلط، أو من أيقونة مضغوطة بالغلط.
جرّبي بنفسك: نافذة الطبقات
اضغطي على اللمبة أو الشمس أو القفل أو مربع اللون، أو على اسم الطبقة عشان تصير هي الحالية، وشوفي شو بيصير بالرسمة. هاد نموذج توضيحي بيشبه نافذة Layer Properties.
| Status | Name | On | Freeze | Lock | Color | Linetype | Lineweight |
|---|
الطبقة الحالية هي Mainlines ✓ — أي خط بترسميه هلأ بينرسم عليها.
شو المشكلة اللي عندك؟
رسمت الخطوط على الطبقة الغلط
حدّدي الخطوط، وبعدين من قائمة الطبقات في تبويب Home ← لوحة Layers اختاري الطبقة الصحيحة، واضغطي Esc. وعشان ما تتكرر: قبل ما ترسمي، اختاري الطبقة من نفس القائمة وأنتِ مش محددة إشي، فبتصير هي الحالية.
غيّرت لون الطبقة والخط ما تغيّر
معناها الخط لونه محطوط يدوي. حدّديه، وافتحي Properties، وخلّي Color وLinetype وLineweight كلهم ByLayer. هيك بياخد خصائصه من الطبقة. جرّبيها فوق بالمربع «لون الإطار الخارجي محطوط يدوي».
الخط باهت، وما بيتحدد ولا بينمسح
الطبقة مقفولة. اضغطي على أيقونة القفل جنب اسم الطبقة عشان تنفتح. الطبقة المقفولة بتبين بالرسمة بس ما بتقدري تعدلي عليها، ومفيدة لما بدك تحمي إشي خلصتيه.
جزء من الرسمة اختفى فجأة
شوفي اللمبة: إذا رمادية فالطبقة مطفية، اضغطي عليها. وإذا في ندفة ثلج بدل الشمس فالطبقة مجمّدة، اضغطي عليها كمان. وإذا كل الطبقات شغالة والرسمة لسا مش باينة، روحي على قسم الزوم.
خطوط المحاور على طبقة axis بس طالعة متصلة
تأكدي إنه نوع خط الطبقة CENTER مش Continuous: اضغطي على اسم نوع الخط بالطبقة ← Load ← اختاري CENTER. وتأكدي إنه الخط نفسه Linetype = ByLayer. وإذا لسا متصل، المشكلة بالـ Linetype Scale: قسم خطوط Hidden و Center.
الطبقة ما بترضى تنحذف
الطبقة 0 وDefpoints ما بينحذفوا أبدًا، والطبقة الحالية كمان ما بتنحذف. والطبقة اللي عليها خطوط لازم تنقلي خطوطها لطبقة ثانية أو تمسحيهم، وبعدين احذفيها.
معاني الأيقونات
اللمبة (On)مطفية: الطبقة بتختفي من الشاشة ومن الطباعة.
الشمس (Freeze)مجمّدة: بتختفي زي المطفية، وبتصير ندفة ثلج. ما بتنفع مع الطبقة الحالية.
القفل (Lock)مقفولة: باينة بس باهتة، وما بتتعدل ولا بتنمسح.
الصح (Current)الطبقة الحالية: الرسم الجديد بينزل عليها. دبل كليك على الطبقة بيخليها حالية.
جهّزي الطبقات قبل ما تبلّشي
- من تبويب Home افتحي أيقونة Layer Properties.
- اضغطي أيقونة New Layer واكتبي اسم الطبقة.
- اضغطي على مربع اللون واختاري لون.
- اضغطي على Continuous ← Load ← اختاري CENTER (لطبقة axis).
- اختاري السماكة من Lineweight.
- دبل كليك على الطبقة اللي بدك ترسمي عليها عشان تصير هي الحالية ✓.
الطبقات اللي معنا بالمساق
| الطبقة | شو بنرسم عليها | اللون | نوع الخط | السماكة |
|---|---|---|---|---|
| axis | خطوط المحاور | 9 | CENTER | 0.00 |
| dimensions | الأبعاد | 191 | Continuous | 0.00 |
| Mainlines | خطوط الرسمة الأساسية | 152 | Continuous | 0.30 |
| FRAME | إطار الشيت | أبيض | Continuous | 0.30 |
| text | النصوص | 74 | Continuous | 0.00 |
💡
السماكة بالـ mm. وكل خط لازم يكون على طبقته، وخصائصه ByLayer، فبياخد اللون ونوع الخط والسماكة من الطبقة.
DIMENSION STYLE · 📐
الأبعاد مش مظبوطة؟
شكل كل الأبعاد، من حجم الرقم للأسهم لعدد الخانات العشرية، بيتحكم فيه مكان واحد: Dimension Style. بتعدّليه مرة، وكل الأبعاد بتتغيّر مع بعض.
الرقم طالع 5.6000 بدل 5.6؟
هاد الإعداد الافتراضي بالأوتوكاد: أربع خانات عشرية. الحل من تبويب Primary Units:
- من Precision اختاري 0.00.
- تحت Zero suppression علّمي على Trailing.
💡
هيك 5.6000 بتصير 5.6، و24.0000 بتصير 24، والأرقام الدقيقة زي 7.81 بتضل زي ما هي. وانتبهي: لو اخترتِ 0، الـ 5.6 بتطلع 6!
جرّبي بنفسك
القيم بالسم، والشكل ارتفاعه 5.6 سم. رسم توضيحي، والقيمة المناسبة بتختلف حسب حجم الرسمة.
كيف أفتح Dimension Style وأعدّله؟
- من تبويب Annotate اضغطي السهم الصغير بزاوية لوحة Dimensions، أو اكتبي D ثم Enter.
- اختاري Standard واضغطي Modify…
- عدّلي اللي بدك إياه بالتبويبات، واضغطي OK.
- اضغطي Set Current ثم Close.
ℹ️
الأبعاد اللي رسمتيها قبل بتتحدّث لحالها، لأنها على نفس الـ Style.
وين كل إعداد؟
- Symbols and Arrows: منه بتغيّري Arrow size، حجم السهم.
- Fit: إذا كل إشي صغير أو كبير مع بعض، غيّري Use overall scale of بدل ما تعدّلي كل قيمة لحال.
- Primary Units: عدد الخانات Precision، وشيل الأصفار Trailing.
مشاكل ثانية بالأبعاد
الرقم طالع 56 بدل 5.6
غالبًا الرسمة مرسومة بالمم مش بالسم. بالتمارين بنقسم أبعاد الشيت على 10، فتأكدي إنك رسمتِ بالسم. وإذا الرسمة صح، شوفي Primary Units ← Scale factor لازم يكون 1.
الخط المايل طالع طوله غلط
استخدمتِ Linear، وهو بيقيس أفقي أو عمودي بس. للخط المايل استخدمي Aligned، فبيقيس الطول الحقيقي على امتداد الخط.
متى Ø ومتى R؟
للدائرة الكاملة استخدمي Diameter، فبيطلع الرقم ومعه Ø. وللقوس استخدمي Radius، فبيطلع ومعه R. ما في داعي تكتبي الرمز بإيدك.
كبّرت الرسمة والبعد ما تحرّك معها
البعد مش ماسك على نقاط الرسمة. وأنتِ بترسمي البعد، خلّي الـ OSNAP شغال، والقطي Endpoint أو Center بالزبط، مش نقطة قريبة بالعين.
الأبعاد لونها مش زي باقي الأبعاد
البعد على الطبقة الغلط. حدّديه وانقليه لطبقة dimensions. شوفي قسم الطبقات.
FILES · 📂
الملفات المساعدة
ملفات الشرح بصيغة PDF. نزّليها وارجعي إلها وإنتِ بترسمي.
EXERCISE 03
شرح التمرين الثالث
الدوائر والمماسات: شرح الرسمة (01) خطوة بخطوة، وتطبيقات على الرسومات (02) إلى (06).